2016(e)ko abendua 17, larunbata

FERIA DE APPS

Kaixo guztioi,

Gaur atzo EHU/UPV Unibertsitateko Bilboko Magisteritza Eskolan ozpatu genuen Apps Azoka ekartzen dizuet. Bertan, Lenguas e InnovaciĆ³n en la Escuela irakasgaian Apps-en inguruan egindako lana aurkeztu genuen. Hemen txertatzen dizuet Azokaren publizitatea egiteko erabili dugun kartela.




Talde bakoitzak Bilboko Ingeniarien Eskolako ingeniari batekin lan egin genuen. Guk diseinua eraiki genuen eta ingeniariak martxan jarri zuen. Horretarako, programatu behar izan zituen eskatu genion orrialde eta lotura guztiak.

Gure App-ari erreferentzia eginez, EUROCITY APP deitzen da. Bidaitzeko erabilgarria da, esate baterako, bideatzera trebatzera animatzen du. Horretarako, lau hiriburuen informazioa eskaintzen da, Erroma, Lisboa,  Londres eta Parisena, hain zuzen ere. Gainera, leku hauen eremu interesgarrienak eta nabarmenenak txertatuak daude eta aldi berean, aukera ematen du hara joatekotan, zure argazki propioak igotzeko eta zure iritzia adierazteko. Honekin batera, leku hauen inguruan lortu dituzun ezagutzak ebaluatu dezakezu ariketa ezberdinak eginez; gehien bat, hizkuntzarekin bat datozen jarduerak dira.
Horrez gain, App-aren balorazioa emateko aukera eskaintzen du eta besteekin iritziak partekatu daitezke.
Gure App aurkezteko hurrengo kartela osatu genuen:



Egia esanda, App orokorrean pentsatzen genuen baino hobeto gelditu da. 

Programazio aldetik, primerako lana egin izan du ingeniariak eta diseinu aldetik, nahiz eta guk hasieran proposatutako ideia guztiak txertatuak ez egon, bitxia gelditu dela adierazi dezaket.

Gaurko sarrerari amaiera emateko, hemen adierazten dizuet Twitterra, bertan taldekide guztiek sortutako App-ak aurkituko dituzue. 

Begirada bat botatzea aholakatzen dizuet, oso ideia interesgarriak sortzea lortu dugulako. Gainera, nahi izatekotan, eraikitako App-ak zuen mugikorretan jeisteko aukera izan duzue


Espero dut zuen gustukoak izatea eta hauen inguruan dituzuen iritziak komentatzea.

Eskerrik asko eta hurrengora arte!

2016(e)ko abendua 14, asteazkena

SCRATCH-ekin EGINDAKO JOLASA

Kaixo danoi,

Gaur gelara eramateko baliabide digitalak azaldu nizuen sarreran aipatutako Scracth baliabideari sortutako jolasa ekartzen dizuet. Komentatu nizuen moduan, oso baliabide dibertigarria da, erabiltzeko erraza eta edozein gauza programatzeko aukera ematen duena. 

Nire kasuan, Leire de Prado klasekidearekin jolas bat sortu dut. Programazio erraza erabili izan dugu, baliabide honekin genuen lehenengo kontaktua zelako. Hala ere, programazio bitxia atera zaigula esan dezaket.

Hemen txertatzen dizuet ikus dezazuen amaierako emaitza eta ondo pasatzeko gogoak badituzue, jolasteko. Baina kontuz, jolasean oztopo nahikotxoak sartu ditugu eta laberintoa pasatzea ez da erraza.

Hala eta guztiz ere, komentatzen dizuet arazoak ematen dituela nahiz eta partekatuta egon denok ikus dezagun. Hori dela eta, jokoaren irudia ere txertatuko dizuet, zabaldu ezin izatekotan egindako lanari buruzko idea izan dezazuen. 




Disfrutatu eta frogatu, ondo pasatuko duzue eta!

2016(e)ko abendua 3, larunbata

INFOGRAFIAK

Egun on guztioi!

Gaurko sarreratxoan gelan ikusitakoaz hitz egingo dizuet. Gaurko gaia Infografiak izan dira. Aurreko sarreretan komentatutako Errealitate Areagotuarekin zerikusia duen gaia izan da. 

Dakizuenez Errealitate Areagotua aukera anitzak eskaintzen ditu eta horien artean, Infografiak daude. Honen inguruan, 3 gauzatxo ikusi ditugu. Alde batetik, Infografiak egiteko aplikazio edo erramientak. Beste aldetik, Infografiak egiteko online sistemak nola funtzionatzen dute bertan, Infografiak egin ahal izateko. Azkenik, Infografietako diseinu grafikoa egiteko gida txiki bat aztertu dugu.

Erramientak aztertzerakoan, Gorka Palacios irakasleak proposatutakoetan oinarrituko gara. Horien artean hurrengoak daude: Balsamiq , Easel.ly , Infogr.amPiktochart...

Aipatutakoetatik programarik hoberena Piktochart dela adierazi daiteke.

Honekin lotuta, EducaciĆ³n 3.0 aldizkariak beste erramienta batzuk aurkezten ditu Infografiak sortu ahal izateko. Horien artean, Gorka Palaciosek adierazitako bi errepikatzen dira: Easel.ly eta Piktochart.

Infografiak nola egin daitezkeen azaltzen duen bideotxo bat txertatuko dizuet, aurrean aipatutako Gorka Palaciosek erakusten diguna. Oso baliogarria eta ulergarria da. Beraz, ikusi eta ulertu ondoren, suposatu dezakegu gai izan gaitezkeela Infografia bat sortzeko. (espero dut aplikazioaren hizkuntza (inglesa) arazorik ez eragitea)


Horrez gain, aipatu nahi dizuet interesgarria izan daitekeen blog bat txertatuko dizuet. Blog honek, TIC gaia lantzen duen txoko bat dela adierazi daiteke: En la nube TIC . Begirada bat ematea egokia izan daitekeela uste dut. Bertan, informazio gehiagarri asko adierazita dago eta gaia interesatzen bazaizue edota honen inguruan datu gehiago nahi badituzue, txoko horretan topatuko duzue.

Bukatzeko, Infografia sortzeko egin den euskarazko gida txikia jarraian txertatuko dizuet. Honi esker, eman behar diren pausu guztiak erraztasunez ulertzeko aukera izango duzue.


Disfrutatu, gauzak frogatu eta nahi izatekotan kontaidazue! 

Hurrengo sarrerara arte!

GELARA ERAMATEKO BALIABIDE DIGITALAK

Egun on danoi!

Gaurko sarrera ezberdina izango da. Gaur beste irakasgaietan aurkitutako eta landutako errekurtso digital batzuk erakutsiko dizkizuet. Dakizuenez Hezkuntza eta Teknologia gero eta hurbilago daude. Teknologia dela eta, Hezkuntzarako hainbat aplikazio, programa...sortzen ari dira, ikasleen ikaste-irakaste prozesua motibagarriagoa eta bitxiagoa egiteko. 
Unibertsitatean ditugun beste irakasgaietan, aukera dugu existitzen diren programa eta aplikazio ezberdinak aztertzeko. Aste honetarako, Gizarte Zientzietan lan bat egin behar izan dugu errekurtso digital ezberdinak aurkeztuz. Lan horretan, Gizarte Zientziak teknologiaren bidez irakasteko 6 programak azaldu ditugu eta zuekin partekatu nahiko nituzke, oso interesgarriak, erabilgarriak eta bitxiak direlako.

Gure proposamena Proiektu Globala egitea izanda, hau da, gai orokorra aukeratu eta programa edota aplikazioak gai horren inguruan murgiltzea, hurrengo hauek izan dira hautatuko errekurtsoak:







Horrez gain, beste bi klasekidek azaldutako programak erakutsi nahi dizkizuet, nire arreta deitu dutelako eta oso oso baliogarriak izan daitezkeelako gelan ikasleekin frogatzeko.

Alde batetik, Google Expeditions proiektua. Proiektu honi esker, ikasteari beste esanahia emateko aukera handia da. Oso egokia izan daiteke irakasleek zein ikasleek ikasten eta irakasten denaz disfrutatzeko. Gainera, errutinarekin apurtzen duen proeiktua da, zure burua edozein lekutan kokatzeko aukera ematen duelako. 

Estatu Batuetan duela denboratxo bat martxan jarri zuten eta momentu honetan, Espainian erabiltzen hasi diren proiektua da. Jarraian proeiktua aurkezten duen bideo bat txertatuko dizuet, ikus dezazuen zein motatako errekurtsoak sortzen dituzte, hezkuntza dibertigarriagoa izan dadin.



Bestetik, beste klasekide batez azaldutako Powtoon programa erakutsi nahi dizuet. Hezkuntzara arazorik gabe eraman daiteke. Oso baliabide erraza eta dibertigarria da eta hainbat ekintza egiteko aukera ematen du: bideoak, aurkezpenak, animazioak... Horretarako, errekurtso ezberdinak eskaintzen ditu, plantilak adibidez, eta horien bitartez, zure aurkezpen pertsonalizatua sortzen duzu. Gainera, jarraitu beharreko pausuak nahiz eta ingelesez idatziak egon, oso ulergarriak dira eta ez ditu inolako zailtasunik eragiten. Hala ere, Powtoon zerbait sortzeko zelan egin behar den jakin dezazuen, bideotxo bat adieraziko dizuet. Horrela, erabiltzekotan nora jo behar duzuen jakingo duzue.




Bukatzeko, Matematikako irakasgaiako mintegian frogatu genuen Scratch aplikazioa aurkeztu nahi dizuet. 

Aplikazio honen funtzioa, programatzea da. Horretarako, intrukzio ezberdinak ematen ditu eta horiek jarraituz, edozer gauza sortzeko aukera duzu, adibidez, jolas bat. 



Aplikazio honek, gero eta ezagunagoa da eskoletan eta, gero eta irakasle gehiago frogatzera animatzen dira. Gainera, umeentzat nahiko erraza bihurtzen da eta horrek, haien motibazioa areagotzea eragiten du. Nire ustez, aplikazio honek, etorkizunari begira, gela guztietan edo ia guztietan erabiliko den aplikazioa izango da.

Jarraian ikusteko interesgarriak izan daitezkeen adibide batzuk txertatuko dizkizuet:






Espero dut aurkeztutako eta erakutsitako guztia zuen interesetatik abiatzea. Niretzat oso baliogarriak izan dira errekurtso guzti hauetan sakontzea eta ikasleekin gelan frogatzeko irrikitan nago.

Trasteatu eta hurrengora arte!

2016(e)ko azaroa 26, larunbata

MINTEGIA- APA Style

Egun on!

Gaurko sarreran, atzo izandako mintegian landutakoa komentatuko dizuet. Dakigzuenez, noizean behin mintegiak egiten ditugu, normalean, gelan lantzen dugunaz gain, beste gauza berriak ezagutzeko eta lantzeko. Mintegia honetan, bibliografia eta APA arauekin jarraituko dugu. Irakasleak, APA Style web gunea erakutsi zigun eta bertan, trasteatzen egon ginen. Esate baterako, web gune horretan agertzen diren gidak aztertzen egon ginen eta gure oinarria hurrengoa izan zen: Basic of APA Style

Mintegia nahiko interesgarria izan zela adierazi dezaket. Irakasleak trukotxo ezberdinak komentatzen zizkigu GRAL-aren (Gradu Amaierako Lana) bibliografia egitean, arazorik ez izateko eta aldi berean, ondo egiteko. Gainera, bibliografiak oso oso luzeak direnean, aplikazio ezberdinak daudela azaldu zigun. Aplikazio horiek erabiliz, adibidez Googlek ateratako Bitsy aplikazioa, linka laburtzeko aukera ematen dute. Beraz, oso erabilgarria izango dela uste dut.

Gomendatzen zaituztet, txertatu dizuedan linketan sartzea eta bertan dagoen informazioari begirada bat ematea. Benetan, oso erabilgarria izan daitekeela.

Ondo izan eta hurrengo sarrera arte!

2016(e)ko azaroa 23, asteazkena

WEB 2.0 GALDETEGIA eta KURTSOKO EBALUAZIOA

Kaixo guztioi,

Gaurko sarreran, gelan egindako galdetegia aurkeztuko dizuet, aurreko sarreran komentatu nizuen moduan, gaurko klasean "azterketa" bat egin dugu eta azterketa hori, galdetegi bat izan da. 

Galdetegi horretan, betetzeko 15 galdera egon dira eta amaieran, Errealitate Areagotuari (Realidad Aumentada-RA) buruzko autoebaluazioa egin behar izan dugu Bertan, gure esperientzia nolakoa izan den adierazi behar izan dugu.

Hurrengo linkean egin dugun galdetegia txertatzen dizuet, eskura izan dezazuen eta ausartzekotan bete dezazuen, badakizue irakurri beharreko dokumentua beste sarreran dagoela: http://www.sav.us.es/encuestas/rafodiun/web20/postest_TAM.html


Horrez gain, irakasleak irakasgaiaren web gunean, "Sormendigitala", hain zuzen ere, adierazitako ebaluazioa aztertzen eta komentatzen egon gara, argi izateko amaierako nota jartzerakoan zer den kontuan hartuko duena. Interesgarria izan daiteke zuekin informazio hori partekatzea. Horrela, jakin dezakezue zein motatako kontzeptuak, ekintzak eta proiektuak ebaluatzen diren eta horien artean, zelan banatzen den puntuazioa: Ebaluazio irizpideak

Gaur komentatutakoa agian ez dauka gailentasun handirik, baina badakizue gustatzen zaidala zuekin partekatzea lantzen eta egiten dugun guzti-guztia. Beraz, espero dut betiko moduan baliogarria izatea gaurko sarreran txertatutakoa. Linketan sartzen bazarete, gaurko egunean azaldutakoa eta orokorrean, irakasgaian egiten duguna eta nola egiten dugun hobeto ulertzeko aukera izango duzue. 

Ondo izan eta hurrengo sarrera arte!

2016(e)ko azaroa 19, larunbata

EDUTEC- Proyecto RAYODIUN

Egun on danoi,

Gaurko sarrerarako ezagutu dugun Proiektu bat ekartzen dizuet, RAYODIUN Proiektua, hain zuzen ere. Sevillako Unibertsiteak martxan jarri duen proiektua da, Grupo Teknologia Educativa web gunearen bitartez.

Aste honetako lana, proiektu honen bidez sortutako dokumentu bat irakurtzea izango da, zeinetan, Errealitatea Handiagotua erabili izan den. Bertan azaltzen diren termino zein kontzeptu guztiak ulertu behar izango ditugu. Gaia argi gelditu zaigula frogatzeko, datorren asteazkenean, azaroak 23an, galdetegi bat egingo dugu. Honi esker, irakasleak ikusiko du zelako eragina duen gaiak horrela lantzeak. Honi lotuta esateko dago, dokumentua aurkeztu baino lehen, beste galdetegi bat bete behar izan dugula, gure hasierako ezagutzak islatzeko. Horrela, hasierako eta amaierako galdetegiak konparatzeko aukera izango du eta hortik, emaitzak aterako ditu.

Hurrengo linkean txertatzen dizuet irakurri behar dugun dokumentua, nahi izatekotan eskura izan dezazuen:

Ondo izan eta hurrengora arte!